Printed circuit board (PCB) hazırlayanda düzgün EDA proqramı seçimi həm həvəskar, həm də peşəkar üçün kritikdir. Bazarda pulsuz open-source həllərdən tutmuş on minlərlə dollar dəyərində sənaye paketlərinədək çox seçim var. Gəlin embedded layihələrdə ən çox rast gəlinən 10 proqramı qısa müqayisə edək.
Sənaye nəhəngləri
- Altium Designer – Kompleks sxem, layout-routing, 3D flex-rigid dizayn, DFM yoxlamaları, güclü konvertasiya alətləri. Lisenziya bahadır və yalnız Windows-da işləyir, amma böyük şirkətlər və universitetlərdə faktiki standart sayılır.
- Cadence OrCAD / Allegro – Güclü PSpice simulyasiya, interaktiv routing, BGA köməkçiləri, mexaniki və elektrik simulyasiyası. Böyük, çoxqatlı, yüksək tezlikli plata üçün uyğundur.
- PADS PCB – Sənayeyə yönəlmiş həll, DFM/DFT yoxlamaları, RF modul, Digikey inteqrasiyalı komponent kitabxanaları.
Güclü, amma əlçatan kommersiya həlləri
- Autodesk EAGLE – 1988-dən bəri tanınan PCB proqramıdır. Free, Standard və Premium versiyaları var. Mac OS X və Linux dəstəyi, böyük icma və çoxlu tutorial. Qrafik interfeysi bəzilərinə qarışıq görünə bilər.
- Proteus – ISIS (sxem və simulyasiya) + ARES (PCB routing). VSM və Visual Designer modulları ilə Arduino və Raspberry Pi üçün inteqrə olunmuş inkişaf mühiti təklif edir.
- Cadstar – Zuken portfelinə daxil alət, multi-layer PCB, mexaniki inteqrasiya (STEP/ACIS), siqnal bütövlüyü analizi və kitabxana idarəetməsi ilə tam dizayn mühiti.
Pulsuz və ya daha sadə alətlər
- KiCad – Tamamilə pulsuz, open-source paket: Eeschema, Pcbnew, Gerbview,
pcbcalculatorvə s. Həm hobbi, həm də peşəkar layihələr üçün real alternativdir. - DesignSpark PCB – RS Components tərəfindən; sxem daxil edilməsi, avtomatik yerləşdirmə və routing, 3D görüntüləyici, Gerber/Excellon çıxışı. Həvəskarlar və kiçik büdcəli startaplar üçün maraqlı seçimdir.
- Sprint-Layout – Prototiplər üçün sadə, amma güclü alət: iki tərəfli avtomatik routing, SMD kitabxanası, DRC və Gerber çıxışı. Kiçik atelyelərdə çox sevilir.
- Protel – Köhnə Altium versiyası olsa da, bəzi mühəndislər hələ də interfeysə öyrəşdikləri və ya yenilənmə xərclərinə görə onu saxlayırlar.
Siz Arduino, STM32 və ya ESP32 platanız üçün hansı PCB proqramından istifadə edirsiniz? Seçiminiz çox vaxt büdcə, komanda ölçüsü və istehsal tələblərindən asılıdır.
Mənbə: Proto-Electronics
