VFD İnvertor Təmiri Bakı
VFD invertor təmiri Bakı — tezlik çeviricisi, motor sürücüsü və servo drive platalarında plata təmiri: IGBT modulu yanıb, mühərrik işə düşmür, xəta kodu verir.
Sifariş
Cihazın marka və modelini yazın, nasazlığı qısa izah edin. Ən faydalısı videodur — nasazlığı çəkin. Platanın aydın şəkilləri də kömək edir.
Tezlik çeviricisi (VFD), motor sürücüləri və servo drive-lərin elektronika təmiri. Danfoss, ABB, Yaskawa, Lenze, Schneider, Siemens. 3 fazalı sənaye invertorlarında IGBT modul dəyişimi, DC bus kondensatorları və plata təmiri.
Necə işləyirik
Hər cihaz təmir olunmur
Bəzi hallarda bərpa mümkün olmur: mikrosxem istehsaldan çıxıb və ehtiyat hissəsi tapılmır, donor plata yoxdur, plata yanğın və ya su nəticəsində ağır zədələnib, yaxud əvvəlki uğursuz müdaxilələr onu bərpa oluna bilməz hala salıb. Belə hallarda vəziyyəti olduğu kimi izah edirik və mümkünsə alternativ yol təklif edirik.
Tezlik çeviricisi — VFD, sənayedə çox vaxt sadəcə «invertor» adlandırılır — mühərrikin dövrünü idarə edir və yükün ən çox yorduğu bloklardan biridir. Güc bölməsində IGBT modulun yanması, cərəyan sensorunun sıradan çıxması və encoder əks-əlaqəsinin itməsi ən çox rast gəlinən üç nasazlıqdır.
Danfoss, ABB, Yaskawa, Lenze, Schneider və Siemens sürücüləri ilə işləyirik, 3 fazalı sənaye invertorlarında IGBT modul dəyişimi aparırıq — iş bütöv sürücü almaq yox, plata təmiri səviyyəsindədir. Servo drive-lərdə isə əlavə olaraq əks-əlaqə dövrəsi və enkoder girişi yoxlanılır — mühərrik «titrəyir» və ya mövqeyi saxlamırsa, səbəb adətən oradadır.
Bu qrupda ən vacib qayda: yanmış IGBT modulunu dəyişməklə kifayətlənmək olmaz. Modulu yandıran səbəb — sürücü dövrəsindəki nasazlıq, quruyan DC bus kondensatorları, dayanmış ventilyator və ya mühərrik kabelindəki izolyasiya problemi — qalarsa, yeni modul da qısa müddətdə yanır. Ona görə hər halda səbəbi də axtarırıq.
Hansı cihazları təmir edirik
Tez-tez rast gəlinən nasazlıqlar
- IGBT modulu yanıb, invertor işə düşmür
- Mühərrik işə düşmür, sürücü xəta kodu verir
- Yük altında qoruma işə düşür, sürücü dayanır
- Cərəyan sensoru sıradan çıxıb, ölçmə səhvdir
- Encoder və əks-əlaqə (feedback) itkisi
- Servo mühərrik titrəyir, mövqeyi saxlamır
- DC bus gərginliyi qalxmır və ya çox yüksəkdir
- Soyuducu ventilyator dayanıb, sürücü qızır
- Panel və ya klaviatura cavab vermir
- Modbus / şəbəkə üzərindən idarə itir
- Yerə qapanma (earth fault) xətası verir
- Tormoz rezistoru dövrəsi işləmir
Nasazlığın tipik səbəbləri
- IGBT modulun yükdən və ya soyutmanın zəifləməsindən deşilməsi
- Aralıq dövrə (DC bus) kondensatorlarının quruması
- Cərəyan sensorunun (şunt və ya Hall) sıradan çıxması
- Encoder girişinin və əks-əlaqə dövrəsinin zədələnməsi
- Soyuducu ventilyatorun dayanması nəticəsində qızma
- Mühərrik kabelindəki izolyasiya nasazlığı
- Sürücü (gate driver) dövrəsindəki optronun sıradan çıxması
- Tozlu mühitdə radiatorun tutulması və istilik ötürülməsinin pisləşməsi
İşlədiyimiz brend və platformalar
Təmir prosesi
- 01
Müraciət və ilkin söhbət
WhatsApp və ya Telegram üzərindən nasazlığı bizə danışın. Göndərdiyiniz məlumatı dəyərləndirib cihazın bizim profilimizə uyğun olub-olmadığını bildiririk.
- 02
Qəbul və diaqnostika
Cihazı qəbul edəcəyiksə, bunu əvvəlcədən təsdiqləyirik — təsdiq almadan cihaz göndərilməməlidir. Cihaz bizə çatdıqdan sonra ən geci 48 saat (iki iş günü) ərzində diaqnostika aparılır.
- 03
Təxmin və razılıq
Nasazlığın səbəbi, təxmini xərc, ehtiyat hissənin mövcudluğu və müddət barədə hesabat təqdim olunur. İşə yalnız siz razılıq bildirdikdən sonra başlanılır.
- 04
Test və təhvil
Təmirdən sonra cihaz minimum 24 saat yük altında sınaqdan keçirilir. Sabit işlədiyi təsdiqləndikdən sonra nəticə barədə məlumat verilir və cihaz təhvil olunur.
Diaqnostika və qiymət
Diaqnostika ödənişlidir — platanın mürəkkəbliyindən asılı olaraq 10–50 AZN. Təmiri bizə həvalə etsəniz, bu məbləğ yekun qiymətdən çıxılır. Dəqiq təmir qiyməti yalnız diaqnostikadan sonra bildirilir və işə başlamazdan əvvəl sizinlə razılaşdırılır.
Diaqnostika qiyməti haqqında ətraflıTez-tez verilən suallar
Digər təmir sahələri
Təmir üçün müraciət edin
WhatsApp və ya Telegram üzərindən cihazın MARKA və MODELİNİ yazın, problemi mümkün qədər geniş izah edin. Ən faydalısı VİDEO-dur: nasazlığı çəkin və nə baş verdiyini öz sözlərinizlə ətraflı danışın. Bundan əlavə cihazın və varsa dövrə kartının (platanın) müxtəlif istiqamətlərdən aydın şəkillərini göndərin. Nə qədər çox detal versəniz, cavab bir o qədər dəqiq və sürətli olar.