UZİ (Ultrasəs) Aparatı Təmiri
UZİ — ultrasəs aparatlarının təmiri: görüntü itir, ekranda zolaqlar var, aparat işə düşmür, sensor girişi kontakt vermir. Güc mənbəyi, idarəetmə platası, sensor konnektoru və ekran üzrə komponent səviyyəsində iş, sonrasında kalibrləmə.
Hər cihaz təmir olunmur
Bəzi hallarda bərpa mümkün olmur: mikrosxem istehsaldan çıxıb və ehtiyat hissəsi tapılmır, donor plata yoxdur, plata yanğın və ya su nəticəsində ağır zədələnib, yaxud əvvəlki uğursuz müdaxilələr onu bərpa oluna bilməz hala salıb. Belə hallarda vəziyyəti olduğu kimi izah edirik və mümkünsə alternativ yol təklif edirik.
Ultrasəs aparatında nasazlıq iki yerdən gəlir: aparatın özündən və sensordan (datçikdən). Bunları ayırd etmək diaqnostikanın ilk addımıdır, çünki qiymət və həll yolu tamam fərqlidir. Ekranda zolaqlar, görüntünün itməsi və ya qeyri-sabit təsvir çox vaxt sensor konnektorunda və ya sensor traktının platasında olur.
Aparatın özündə isə ən çox güc mənbəyi, idarəetmə platası, ekran və sensor ekranın şleyfi problem verir. Bunları modul kimi dəyişmək əvəzinə komponent səviyyəsində bərpa edirik — bu, istehsalçıdan modul sifariş etməkdən bir neçə dəfə ucuz başa gəlir və gözləmə müddətini qısaldır.
Tibbi aparatda ölçmə dəqiqliyi təmirin özü qədər vacibdir, ona görə işdən sonra sensor və modul kalibrləməsi aparılır. Rəsmi metrologiya sertifikatı tələb olunursa, bunu əvvəlcədən bildirmək lazımdır.
Tez-tez rast gəlinən nasazlıqlar
- Görüntü tam itib və ya ekranda zolaqlar var
- Aparat işə düşmür, ekran qaranlıq qalır
- Sensor girişi kontakt vermir, datçik görünmür
- Görüntü qeyri-sabitdir, seans ortasında itir
- Güc mənbəyi yanıb, daxili UPS batareyası tutmur
- Sensor ekran cavab vermir
- Aparat qızır və özü sönür
- Çap və ya video çıxışı işləmir
Nasazlığın tipik səbəbləri
- Şəbəkə gərginliyi sıçrayışından güc mənbəyinin yanması
- Sensor konnektorunun pinlərinin yeyilməsi və oksidləşməsi
- Sensor kabelinin əyilən nöqtədə qırılması
- Ventilyatorun tozla tutulması nəticəsində qızma
- Ekran şleyfində kontakt itkisi
- Daxili UPS batareyasının resursunu bitirməsi
Diaqnostika və qiymət
Diaqnostika ödənişlidir — platanın mürəkkəbliyindən asılı olaraq 10–50 AZN. Təmiri bizə həvalə etsəniz, bu məbləğ yekun qiymətdən çıxılır. Dəqiq təmir qiyməti yalnız diaqnostikadan sonra bildirilir və işə başlamazdan əvvəl sizinlə razılaşdırılır.
Diaqnostika qiyməti haqqında ətraflıTez-tez verilən suallar
Təmir üçün müraciət edin
WhatsApp və ya Telegram üzərindən cihazın MARKA və MODELİNİ yazın, problemi mümkün qədər geniş izah edin. Ən faydalısı VİDEO-dur: nasazlığı çəkin və nə baş verdiyini öz sözlərinizlə ətraflı danışın. Bundan əlavə cihazın və varsa dövrə kartının (platanın) müxtəlif istiqamətlərdən aydın şəkillərini göndərin. Nə qədər çox detal versəniz, cavab bir o qədər dəqiq və sürətli olar.